بسم الله الرحمن الرحيم
هالموضوع عشان الطلبات بأي مرحله حتى لو كانوا بالجامعه يستفيدون ويتعلمون طريقة المذاكرة
الدراسه وناااسه : دايماً قولي هالكلام في بالج ،،
النقطه الاولى : تحطينلج هدف تبين توصليله : مثلا مدرسه ، مهندسه ، مديره بنك ، دكتوره ، محاميه و حددي تخصصج (( علمي او ادبي ))
الهدف تعلقينه بغرفتج او مكان دايماً تشوفينه
النقطه الثانيه : بعد الغدا بعد ما تريحين بربع ساعه حلي واجباتج و حظري حق باجر و شربي عصير برتقال طبيعي
ملاحظه : اقري الدرس مو الا تحفظينه صم هالنقطه بتفيد الادبي اكثر من العلمي لان الادبي يعتمد عالفهم و هالنقطه تساعد على تركيز المعلومه
النقطه الثالثه : قعدي بمكان اضاءته عاليه و تكونين فيه بروحك
النقطه الرابعه : حبي المعلومه و حاولي تستقبلينها استقبال صحيح
النقطه الخامسه : صيري صديقه معلمتك قبل ما تكون هي معلمتك ،، شاوريها ،، حسسيها مدى اهتمامج بالماده
النقطه السادسه : وازني بأكلج ، لان يأثر على التركيز و الريوووق وايد مهم
النقطه السابعه : قبل كل امتحان درسي و توكلي على الله و شربي عصير برتقال طبيعي و لا تكثرين اكل بليل عشان لا تقلب معدتك الصبح
النقطه الثامنه : اخذي الوقت الكافي و انتي تجاوبين على الاسئله و فهمي السؤال قبل لا تجاوبين عليه عشان تكون اجابتك بمحلها و ذكري دعاء قبل الامتحان
نصيحه :
الدراسه مستحيل تكون جماعيه او بمكان مزعج
درسي بمكان هدوء و يكون غير غرفتج (( لان السرير راح يخليج تنامين ))
هذا الترتييب اليومي بيساعدك:
اول شي القعده و الفطور اهم شي يخليك مصحصحه اكلي اكل صحي و خفيف عشان معدتج تستوعب
ثاني شي تروحون المدرسه
و على ما تردون البيت 2 او 2:30
تتغدون و تريحون
نومه الظهر متعبه وااايد و تعطي الانسان كسل خصوصا ان ينام بعد الاكل ( الغدا ) و وقت الليل الي يرتاح فيه جسمه يكون سهران
فالنقطه المهمه في تغيير حياتج الدراسيه تشيلين نومه الظهر نهائياً و بليل تنامين الساعه 10
الساعه 4 تتجهزون حق الدراسه و ابيكم تستانسون من كلمه دراسه
تحلون واجباتكم ، تحضرون تقرون دروسكم ، ماراح ياخذ اكثر من ساعتين و نص
الساعه 6:30 انتوا خالصين
تسكرين الشنطه
تشربين عصير فرش و تطالعين التلفزيون لمده نص ساعه او ساعه
بعدين تسبحين و تقرين جريده و حاولي تاخذين معلومات من الجريده من كل مكان يعني اغلب الصفحات
شوفي شنو الاحداث اليديده ؟ جذي راح تزيد ثقافتج و تقدرين تناقشين مدرساتج بالاحداث و بتتقوين بالقراءه و هالشي لمصلحتج و بتكونين مثقفه
بعدهعا بتكون الساعه 10 حطي راسج و نامي
و اذا عندج فون حطي سايلنت و لا تحطينه يم راسج حطي بعيد عشان ترى التلفون له تأثير كبير عالمخ بعيد الشر عن الجميع
و طالعي الورقه الي كتبتي عليها هدفج ... و نامي على شوفتها و اقري اي سوره عشان تنامين انتي مرتاحه
الطرق منقولة من احدى الاخوات جزاها الله خير
مع بعض الاختصار والتعديل
